Бөлүмдөр
Жекшемби, 22-апрель
Жалал-Абад

Ош—Бишкек жолунда жүк ташуучу унаа «Субару Легаси» менен сүзүшүп, 6 адам ооруканага түштү, арасында 6 жашар бала бар

Turmush -  Кечээ, 28-ноябрда Ош—Бишкек унаа жолунун 336-500-чакырымында жол кырсыгы катталып, анын кесепетинен 6 адам жабыркады.

Жалал-Абад ОИИБдин Патрулдук милиция бөлүмүнөн маалымдалгандай, Майлуу-Суу шаарынын 24 жаштагы Т.К. аттуу тургуну өзүнүн МАН-12272 жүк ташуучу автоунаасы менен Бишкекке карай бара жаткан. Ал Токтогул районунун Кетмен-Төбө тилкесинен унаасын башкара албай калып, каршы тилкеде Ошту көздөй келе жаткан «Субару-Легаси» автоунаасы менен кагышкан.

Анын кесепетинен Кара-Көл шаардык ооруканасынын хирургия бөлүмүнө 2 адам, жеңил унаанын артындагы 4 жүргүнчү жандандыруу бөлүмүнө түшкөн. Алардын арасында 6 жаштагы бала бар. Учурда бул окуя боюнча териштирүү иштери жүрүп жатат.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 2218
Көп окулду
×