Бөлүмдөр
Жекшемби, 22-апрель
Жалал-Абад

Фото - Майлуу-Сууда жер көчкү жылып, турак үйлөргө кооптуу абал жаралды

Turmush -  Кечээ, 15-мартта Жалал-Абад облусунун Майлуу-Суу шаарындагы Сары-Бээ аймактык башкармалыгында жер көчкү жылып, турак үйлөргө кооптуу абал жаралды.

ӨКМдин билдирүүсү боюнча, кечээ саат 08:00 чамасында Чыгыш көчөсүндөгү колоттун баш жагынан 700-800 миң метр куб жер көчкү жылып, 6 турак жайга 1-2 метр аралык калган. 10-20 см жер ажырап, 2 үй-бүлөнүн короо-сарайларына кооптуу абал жаралды.

Ошондой эле, Көпүрө башы тилкесинин Горький көчөсүндөгү №40 турак жайдын арт жагынан көлөмү 300-400 миң метр куб жер көчкү жылып, кооптуулук жараткан. Горький көчөсүндөгү №45 турак жайдан 20 метр ылдый жагынан булактын суусу чыгып, 1-1,5 метр тереңдикке жер көчүп, 1 турак жайга жана үстү жагындагы 2 турак жайга кооптуу абал алып келди.

Жарандык коргонуу комиссиясы кооптуу жерде жашаган үй-бүлөлөрдү убактылуу коопсуз жайга көчүрүү, күнү-түнү нөөмөт уюштуруу жана түшүндүрүү иштерин жүргүзүштү. Ошондой эле, ӨКМдин Мониторинг департаментинин адистери жеринде тактоо иштерин жүргүзүүдө.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 1430
Көп окулду
Учурда окулуп жатат
×