Бөлүмдөр
Жума, 20-июль
Жалал-Абад

Майлуу-Сууда 41 жаштагы аялды зордуктап, чачын кырып, бир жума камаган кишилер кандай жаза алат?

Turmush -  Майлуу-Суу шаарында бейтааныш аялды зордуктап, ур-токмокко алуу менен бир жума камап койгон 3 шектүүгө карата шаардык сот чечим чыгарды. Бул тууралуу облустук соттун басма сөз кызматы билдирди.

Маалыматка караганда, Майлуу-Суу шаардык сотунун ушул жылдын 25-сентябрындагы өкүмү менен З.К. КРнын Кылмыш-жаза кодексинин 129-беренесинин 2-бөлүмүнүн 3-пункту (алдын ала макулдашуу боюнча адамдардын тобу тарабынан зордуктоо) менен күнөөлүү деп табылган жана 10 жылга эркиндигинен ажыратылган. Ошондой эле, КЖКнын 125-беренесинин 2-бөлүмүнүн 1-пункту (алдын ала макулдашуу боюнча адамдардын тобу тарабынан мыйзамсыз түрдө эркиндигинен ажыратуу) менен күнөөлүү деп табылган жана 5 жылга эркиндигинен ажыратылган. Мындан тышкары, КЖКнын 234-беренесинин 2-бөлүмүнүн 1-пункту (адамдардын тобу тарабынан бейбашчылык) менен күнөөлүү деп табылып, 3 жылга эркиндигинен ажыратылган.

КЖКнын 59-беренесинин негизинде белгиленген жазалар жарым-жартылай кошулуп, З.К.га 13 жылга эркиндигинен ажыратуу жазасы каралып, жазасын күчөтүлгөн тартипте түзөтүү абакта өтөө белгиленген. Ал эми айыпталган К.А.Ж. менен Т.К.М. Кылмыш-жаза кодексинин 129-беренесинин 2-бөлүмүнүн 3-пункту менен күнөөлүү деп табылып, ар бири 8 жылга эркиндигинен ажыратылган.

К.А.Ж. Кылмыш-жаза кодексинин 125-беренесинин 2-бөлүмүнүн 1-пункту жана 234-беренесинин 2-бөлүмүнүн 1-пункту менен кылмыштарды жасагандыгы далилденбегендиктен акталган.

Т.К.М. Кылмыш-жаза кодексинин 125-беренесинин 2-бөлүмүнүн 1-пункту менен кылмыш жасагандыгы далилденбегендиктен акталган.

Буга чейин Жалал-Абад ОИИБдин басма сөз кызматы маалымдагандай, Майлуу-Суу шаарында бейтааныш аялды зордуктап, ур-токмокко алуу менен бир жума камап койгон 3 шектүү кармалган. Окуя 2017-жылдын 18-майында болгон.

«41 жаштагы аял Майлуу-Суу шаарынын Көк-Таш айылындагы аялдамадан Кочкор-Ата шаарына чейин баруу үчүн жеңил унаага түшкөн. Жалал-Абад шаарына бара жаткан унаанын ичинде айдоочу менен бирге 35-40 чамасындагы 2 эркек киши болгон. Бирок, орто жолдон белгисиз себеп менен унаадагы кишилер жүргүнчү аялды сабап, кайра Майлуу-Суу шаарындагы көп кабаттуу үйлөрдүн бирине алып келип, күч колдонуп зордукташкан. Алсыраган аялдын чачын дагы сакал алгыч менен кырып салышкан. 3 эркек жабырлануучу аялды 18-майдан 25-майга чейин сыртка чыгарбай, камап коюшкан. Жабырланучу 25-майда качып чыгып, Майлуу-Суу ШИИБдин милиция кызматкерлерине кайрылган», - деп айтылат билдирүүдө.

Денесинен жаракат алган жабырлануучу шаардык биргелешкен оорукананын хирургия бөлүмүнө жаткырылган. Бул факты боюнча ыкчам тергөө жүргүзгөн Майлуу-Суу ШИИБдин кызматкерлери тарабынан шектүүлөр — Майлуу-Суу шаарынын 43 жаштагы тургуну З.К., Көк-Таш айылынын 22 жаштагы тургуну Т.К. жана Бүргөндү айылынын 36 жаштагы тургуну К.А. кармалган.

Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 3029
Комментарии
Для добавления комментария необходимо быть нашим подписчиком
Көп окулду
×